«Әділетті және Прогрессивті Қазақстанның Халықтық Конституциясы үшін!» коалициясы «Қарағанды Нан» кәсіпорнының еңбек ұжымымен кездесу өткізді
Қалалық коалиция жетекшісі А.Ж. Букенов және коалиция мүшелері Н.И. Мунасипов пен Ю.В. Бадина «Қарағанды Нан» кәсіпорнының еңбек ұжымымен кездесу өткізді.
Кездесу барысында коалиция өкілдері Қазақстан Республикасының Жаңа Конституциясының негізгі ережелері мен саяси жүйені әрі қарай дамытуға, әділеттілік пен ашықтық принциптерін нығайтуға, сондай-ақ азаматтардың мемлекеттік басқаруға қатысуын кеңейтуге бағытталған негізгі өзгерістерді түсіндірді.
А.Ж. Букенов атап өтті:
«Ұсынылып отырған өзгерістердің басты мақсаты – азаматтардың ел басқарудағы рөлін арттыру, олардың құқықтары мен бостандықтарын нығайту және мемлекеттік органдардың ашықтығын қамтамасыз ету. Біз әрбір адамның ел болашағы үшін жауапкершілігін түсінуін қалаймыз».
Ю.В. Бадина қосып айтты:
«Кәсіпорын қызметкерлерінің реформаларды талқылауға, сұрақтар қоюға және өз идеяларын ұсынуға белсенді қатысуы маңызды. Тек бірлескен күш-жігер арқылы ғана реформаларды тиімді жүзеге асыруға болады».
Кездесу ашық диалог форматында өтті: кәсіпорын қызметкерлері өздерін қызықтырған сұрақтарын қойып, ұсынылып отырған өзгерістер бойынша толық түсініктемелер алды. Сондай-ақ білім беру мен денсаулық сақтау жүйесін дамыту, отбасы құндылықтарын нығайту, экологиялық жауапкершілік және тілдерді дамыту мәселелері талқыланды.
Іс-шара әрбір адамның белсенді азаматтық ұстанымының және алдағы референдумға саналы қатысуының ел болашағы үшін қаншалықты маңызды екенін тағы бір мәрте көрсетті.
