Ақмола облысы Көкшетау қаласындағы сауда ойын-сауық орталықтарының бірінде жаңа Конституция жобасын талқылауға арналған ауқымды іс-шара өтті. Ұйымдастырушылар тұрғындармен барынша ашық әрі еркін форматта пікір алмасты.
Диалог барысында қала тұрғындары спикерлерге өз сұрақтарын қойып, жаңа Ата Заң жобасында ұсынылған идеялар көпшіліктің көңілінен шығып жатқаны анық байқалды. Азаматтар жаңа Конституция жобасы енді күрделі заңнамалық терминдер жиынтығы емес екенін атап өтті. Референдум мемлекеттің дамуына тың серпін беретін маңызды мүмкіндік екені айтылды.
Сондай-ақ іс-шара барысында облыс әкімі Марат Ахметжанов «Оқжетпес» футбол клубының жаңа құрамын маусымның басталуымен құттықтап, 70 жылдық тарихы бар командаға сыйлық ретінде автобус кілтін табыстады.
«Оқжетпес» командасы – бай тарихы бар ұжым. Ол көптеген белестерді бағындырып, уақыт сынынан өтіп, талай жас таланттардың жолын ашып, мыңдаған жанкүйердің жүрегінде жалын жаққан команда. 70 жылға жуық тарихында клуб бірнеше буын ойыншыларын тәрбиелеп, ел чемпионаттарында лайықты өнер көрсетіп, табандылығы мен мінезін дәлелдеді», – деді ол.
Іс-шара португалиялық әнші Лара Алейшоның концерттік бағдарламасымен түйінделді. Осылайша, еліміздегі конституциялық өзгерістер тұрғындармен бірге түсінікті әрі қызықты форматта талқыланды.
