«Әділетті және Прогрессивті Қазақстанның Халықтық Конституциясы үшін!» Жалпыұлттық коалициясының мүшелері Ақсу қаласында түрлі кәсіби қауымдастық өкілдерімен және қоғам белсенділерімен бірқатар кездесу өткізді. Негізгі тақырыптар әлеуметтік сала, еңбек қауіпсіздігі және азаматтардың басқаруға нақты қатысуы болды.
Ашық диалог осы мәселелер төңірегіндегі талқылаудан басталды. Мұғалімдер мен дәрігерлер, ірі өндірістік кәсіпорынның энергетиктері, ауылдық округ тұрғындары жаңа Ата заң нормаларының кәсіби мәртебеге, өндірістік қауіпсіздік кепілдіктеріне және азаматтардың ресурстарды бөлу құқықтарына әсерін талқылады.
Қатысушылар алдымен әлеуметтік сала тақырыбында әңгіме өрбітті. Қаланың педагогтер қауымдастығы және 800-ге жуық медицина қызметкері үшін конституциялық түзетулер, ең алдымен құқықтық тұрақтылықты білдіреді. Жаңа Конституцияда дәрігер мен мұғалімнің мәртебесі «бюджеттік міндеттемелер» санатынан мемлекет қорғауындағы конституциялық құндылыққа айналды.
«Біз мұғалім мен дәрігердің мәртебесі конституциялық тұрғыда қорғалатын жүйе құрып отырмыз. Мемлекет оларды лайықты еңбекақымен және кәсіби тұрғыда өсу мүмкіндігімен қамтамасыз етуге міндетті», – деп атап өтті Жалпыұлттық коалиция мүшесі Николай Арсютин.
Диалог 5 мың энергетик еңбек ететін АО «ЕЭК» өндірістік алаңында жалғасты. Негізгі тақырып қызметкердің өмірі мен денсаулығының кез келген экономикалық көрсеткіштерден сөзсіз басымдығы туралы болды.
Жаңа заңда бекітілген қауіпсіз еңбек құқығы кез келген өнеркәсіптік кәсіпорын үшін негізгі талапқа айналады.
«Әрбір қызметкерге жұмыс орнында өзін қауіпсіз сезінуі және демалыс алу құқығының кепілдендірілгені маңызды», – деді корпорация президенті Дүйсен Мерғалиев.
Ақсу ауылдық округінің тұрғындары жергілікті өзін-өзі басқару мәселелері мен ресурстарды бөлуге қатысу құқығына назар аударды.
Кездесулер соңында қатысушылар 15 наурызда өтетін референдум ел болашағын қалыптастыру мен нығайту жолындағы маңызды кезең екенін атап өтті.
