Бүгін Республикалық коалицияның мүшесі Бекбол Орынбасаров және Конституциялық комиссияның мүшесі Жаңбырбай Матаев Негізгі заңның жаңа мәтінінде көрсетілген кепілдіктерді, азаматтардың құқықтарын түсіндіру үшін «Маңғыстауэнергомұнай» ЖШС-ға барды. Олар ұжым жұмысшыларына Конституция нормаларына түзетулер жаңа кезеңдегі өзгерістерге байланысты енгізілгендігін айтты. Ата заңның еліміздің тәуелсіздігін баянды етуге және адам құқықтарының сақтауға арналғаны жөнінде толық ақпарат берілді.
«Маңғыстауэнергомұнай» ЖШС ұжымы электр энергиясын тарату құрал-жабдықтарын жөндеумен және салалық мекемелерге техникалық қызмет көрсетумен айналысады. Еңбекті және қоршаған ортаны қорғау, қауіпсіздік талаптарын сақтау– ұжымның басты міндеттерінің бірі. Жаңа Конституцияда осы талаптардың орындалуына мемлекеттік кепілдік берілді.
Сонымен қатар азаматтарға елдегі негізгі шешімдерді қабылдауға қатысып, Халық Кеңесіне ұсыныстар енгізуге, стратегиялық бастамалар көтеруіне мүмкіндік беретіндігі айтылды. Спикерлер ұжымға елдегі қоғамдық-саяси үдерістерге қатысу үшін дауыс бердің маңыздылығын жеткізді.