Петропавлда конституциялық өзгерістер аясында спорттың келешегі сөз етілді. Жаңа Конституцияның қоғамдық бастамаларды іске асыруға, жастарды қолдауға және азаматтардың құқықтарын қорғауға қаншалықты мүмкіндіктер тудыратынын жаттықтырушылар, спорт ұйымдарының басшылары және дене шынықтыру пәні мұғалімдері «Әділетті және Прогрессивті Қазақстанның Халық конституциясы үшін» өңірлік коалициясының мүшелерімен бірге талқылады.
Кездесуде Ирина Эктова, Владимир Витченко, Евгений Максимов және Алтын Сағитова жаңа Конституция жобасының негізгі ережелері туралы баяндады. Олар спорт қоғамдастығын 15 наурызда өтетін республикалық референдумға белсенді қатысуға шақырды.
«Спорт – бұл ұлттың денсаулығын нығайтып, белсенді мінез-құлықты, тәртіпті және жауапкершілікті қалыптастырады. Егер негізгі заңда адами капиталды қолдау және әлеуметтік саланы дамыту қағидаттары бекітілсе, бұл тікелей жаттықтырушыларға, балаларға және ата-аналарға қатысты болады», – деп атап өтті Ирина Эктова.
Реформа жайында кеңінен кёкушинкай каратэ бойынша бүкілқазақстандық ұйым филиалының директоры Владимир Витченко баяндады. Ол жаңа Конституция жобасы түрлі саладағы мамандар қатысқан ауқымды сараптамалық және қоғамдық комиссиялардың жүйелі жұмысының нәтижесі екенін еске салды.
«Тарихтан белгілі, мемлекеттің дамуы оның құқықтық негіздерін жаңартудан басталады. Реформаға салалық комиссиялар, сарапшылар, қоғам қайраткерлері қатысты. Бұл – ұзақ мерзімді әрі жүйелі еңбектің жемісі. Біз, спорт ұйымдарының басшылары үшін, жұмыстағы түсініктілік пен ашықтық өте маңызды. Конституциялық өзгерістер қоғамдық бірлестіктердің артық кедергісіз, еркін әрі бастамашыл жұмыс істеуіне жағдай жасайды. Қарапайым тілмен айтқанда, спортты дамыту мен жастармен жұмыс істеуге жол ашылады», – деді Владимир Витченко.
Диалог барысында залдан интернет-алаяқтардың құрбаны болған азаматтардың құқықтарын жаңа Конституция болашақта қалай қорғайтыны туралы сұрақ туындады. Спикерлер Конституция қабылданғаннан кейін, цифрлық қауіпсіздік және жеке деректерді қорғау салаларын қоса алғанда, тиісті заңнаманы жан-жақты жетілдіру жұмыстары жүргізілетінін түсіндірді.
Кездесудің соңында спикерлер елдің дамуы белсенді азаматтық ұстанымнан басталатынын тағы да атап өтіп, 15 наурыздағы референдумда конституциялық реформаны қолдауға шақырды.
