«КазТрансОйл» АҚ орталық кеңсесінде Қазақстан Республикасының жаңа Конституциясы жобасын түсіндіруге арналған кездесу өтті. Диалогқа еліміздің 12 өңіріндегі оқшауланған құрылымдық бөлімшелердің қызметкерлері, сондай-ақ компанияның Ресей Федерациясындағы өкілдіктері, Польшадағы филиалы және Грузиядағы еншілес ұйымының өкілдері қатысты. «КазТрансОйл» АҚ компаниялар тобында, мердігерлік ұйымдарды қоса есептегенде, 13 мыңнан астам қызметкер еңбек етеді.
Кездесуге «Әділетті және прогрессивті Қазақстанның халықтық Конституциясы үшін» Жалпыұлттық коалициясы Астана қалалық филиалының төрағасы Ерлан Каналимов, ҚР Парламенті Сенатының депутаты Геннадий Шиповских және ҚР Мәжіліс депутаты Марат Башимов қатысты. Спикерлер жобаның негізгі баптарын егжей-тегжейлі түсіндіріп, қатысушылардың сұрақтарына жауап берді.
«КазТрансОйл» АҚ Басқарма төрағасы Арман Қасенов өз сөзінде компанияның магистральдық мұнай құбырларының тұрақты жұмысын, мұнай тасымалының тұрақтылығын және елдің энергетикалық қауіпсіздігін қамтамасыз етудегі рөлін айрықша атап өтті. Жаңа Конституция жобасындағы өзгерістер стратегиялық салалар үшін мемлекет жауапкершілігінің күшейтеді, ұзақ мерзімді даму, цифрландыру, адам капиталының дамуы, қызметкерлердің әлеуметтік қорғалуы және экологиялық тұрақтылық үшін құқықтық негіз жасайды.
Кездесу барысында Жаңа Конституция жобасындағы өзгерістер еліміздің стратегиялық маңызы бар мұнай тасымалы жүйесіне және әр қызметкерге тигізетін әсері басты назарда болды. Қатысушыларға еңбек кепілдіктері, кәсіби өсу, заманауи технологияларды қолдану және инфрақұрылымды дамытуға қатысты өзгерістер түсіндірілді.
Диалог ашық және конструктивті форматта өтті, қатысушылар пікір алмасты, сұрақтар қойды және конституциялық өзгерістердің компания жұмысына және сала болашағына ықпалын талқылады.
