Бүгін Талдықорған қаласында «Әділетті және Прогрессивті Қазақстанның Халықтық Конституциясы үшін!» Жетісу облыстық коалициясының төрағасы Арыстанғали Арын және өңірлік коалиция өкілдері белсенді жастармен бірлесіп, «Есіктен есікке» акциясын өткізді.
Акция барысында коалиция мүшелері мен ерікті жастар қала тұрғындарымен кездесіп, алдағы саяси науқанның маңызын түсіндірді. Олар әр үйге барып, Конституциялық өзгерістердің мәнін қарапайым тілмен жеткізіп, тұрғындарды 15 наурызда өтетін референдумға қатысуға шақырды.
Жетісу облыстық коалицияның төрағасы Арыстанғали Арынның айтуынша, бұл бастама азаматтардың саяси белсенділігін арттыруға бағытталған.
«Бұл референдум – еліміздің келешегі үшін шешім қабылдайтын тарихи сәт. Сол себепті әрбір азаматтың қатысуы мен белсенділігі аса маңызды. Әрқайсымыз ел тағдырына бейжай қарамай, маңызды шешім қабылданатын күні дауыс беруге келуіміз керек», – дейді ол.
Ұйымдастырушылар мұндай кездесулер алдағы уақытта да жалғасып, халықпен тікелей байланыс орнатуға ықпал ететінін атап өтті.
