Алматы қаласындағы Республикалық Достық үйінде Тәжіктердің республикалық этномәдени орталығының төрағасы Акбаржон Исмаиловтың төрағалығымен тәжік этносының өкілдерімен кездесу өтті. Жиында жаңа Конституция жобасы және алдағы референдумға қатысты өзекті мәселелер талқыланды.
Басқосуға тәжік этносының ақсақалдары, өңірлік этномәдени бірлестіктердің төрағалары, белсенді мүшелері мен жастар қатысты. Кездесу барысында қатысушылар жаңа Конституция жобасында қарастырылған өзгерістер мен толықтырулардың мән-маңызына тоқталып, оның қоғам дамуына ықпалы туралы пікір алмасты.
Жиын барысында Ақсақалдар кеңесінің мүшесі Ташпулатов Бекпулат сөз сөйлеп, ел өміріндегі маңызды саяси науқанның мәні мен маңызына тоқталды. Ол конституциялық өзгерістердің қоғамның дамуына серпін беретінін атап өтіп, қатысушыларды азаматтық белсенділік танытуға шақырды.
Кездесу қорытындысында А.Исмаилов қатысушыларды 15 наурыз күні өтетін референдумға белсенді қатысып, ел болашағы үшін өз таңдауларын жасауға шақырды.
